Wo larki shayad paghal thi
Din raat hi gum sum rehti thi
Kuch sharam-o-haya ka paikar thi
Kuch naram mizagi rakhti thi
Aankon me neem nasha sa tha
Baaton se diwani lagti thi
Hum raaz na tha us ka koi
Bas khud se batien karti thi
Ek sham k aanchal me aksar
Jazbaat chupaey rakhti thi
Darti thi juda ho jane se
Ya pyar se shayad darti thi
Kya sabar tha us diwani ka
Kya zabt-e-muhabbat rakhti thi
He rashk mujhe us pagli pe
Kya khoob muhabbat karti thi
No comments:
Post a Comment